Fraache unn Antwordde

hier gibbts [intlink id=”199″ type=”post”]aach die version[/intlink] zu leese, die aach die versteje, die nett hier aus de geeschend sinn

es soll ja leut gebbe, die absolut kaan plan habbe, wasnn blogg is. :schulterzuck:

deshalb erklärn mer des hier maa bissi.

derf isch in dem blogg hier aach schreibe?

nee, derfste net. nur de uffreescher unn isch schreibe hier. 8) damidd des von vornnerein emaa klar is. es issn blogg unn des bleibtn blogg. macht eusch selber aaner, wenns eusch net basst.

kannst abber, wennde willst, dein senf als kommentar hinnerlasse. :schreiben:

also schreib gefällischst aach was. net nur leese. :zieh: da kannste derr aach s´telefonbuch nemme.

für was issn des gut, wemmer sisch registriert? isch derf doch eeh kaa beiträäsch schreibe?

damitmer besser erkenne, daß ihr graad hier rumlungert unn leesd. :haemisch:

nee, spässje beiseid: des issn vordeil, da müsster net immer eurern wilhelm unn euer imeeladress eigebbe. :ok:

außerdem könnder uff de rescht seid, da wo des neumodische wordd “seidbar” steht, durschs druffkligge uff des wordd “uffgereeschte” seje, wer noch grad hier rumlungert unn nix schafft. is doch e guud sach, odder? :nick:

bestimmt gibbts späder, hadd de uffreescher verschbroche, noch anner zeusch, was mer mache kann wenn mer hier aagemeld is, des dauerdd abber halt noch e bissi.

wenn ihr eusch regisdriern wollt, dann guggt emaa reschts des wordd Meta” unn dann klickt uff registriern. dann sehder schon wies weidergeht, ihr seid ja net blöd, gell.

unn seider erstemaa registriert, brauchter dann beim nächste maa nur noch uff “anmelden” unn drin seider. schee, gell. 🙂

fer was issn des “shoutbox” gedöns gut?

damit könnder maa uff die schnelle euern senf abgebbe, so wie e gäsdebuch. :happy:

in dem kasde werrn immer die letzde funf eiträäsch gezeischd. da sinn abber auch feile, , sinn obbedrübber, macht halt euer klotzböck uff, die findmer schonn, unn da könnder dann wie blättern, dann geht die schautbox nuff odder nunner, wie ihr halt uff die feile kliggd. dauerd immer e momentsche bis es ferrdisch gelaade hat, also net wie´n simbel da uffgereescht rumdrügge. s´kimmt schon. 🙂

wenner da also aach was schreibe wollt, dann kliggt uff “schreib uns watt” unn dann derfter. mir dääde uns freuje drübber. :biggrin:

übbrischens, dank moderrnsder teschnologie, mescht sisch die schautbox immer selber neu, aktualisieren nennt mer dess. nach ner minud stehd des neusde immer obbe.

brauchter also nedd uff eff fünf drügge, geht allaa.

abber wemmer nix schreibt, dann kimmt aach nix.

was iss, wemmer maa so dabbisch war unn sisch verschribbe hat odder was vergesse hadd, des net gemerrgt hadd unn, bleed wie mer manschmaa is, des schon abgeschiggd hadd?

tja, im rischdische leebe dääts heiße ” was fordd is is fordd. bei uns derffste nochemaa ännern. fünf minuude haste zeit defier, werste pagge, gell, musste disch halt e bissi eile unn net groß noch an de kihlschrank e bix bier hoole.

warum blinktn des uffgereescht logo da obbe so bleed rum?

weil uffgereescht halt uffgereescht is…..was e saubleed fraach abber auch. :hmm:

mansche bildscher in de artiggl sinn so klaa daß mer da garnix druff erkenne kann, gibbts die net greeßer?

simbel, mach die aache uff!

kligg halt uffs bild unn groß isses.

bei kligg uff “close” dann, des heißt “zu”, isses widder fordd. hättsde abber aach selber druffkomme könne.

Des wischdischsde wemmer hier uff unsrer seid sisch sei zeit verdreedelt is, dass mer sisch net uffreescht un dass mer spaß hadd beim leese.

So wolle mers unn so solls aach sei.

warum hack ich mir de wolf middm kommentar unn dann erscheinder net?

des liiescht an unserm spamschutz. hammer so eingestellt. wenn nämlich innem kommentar en link drin is, dann wird der kommentar zwar angenomme, abber net öffentlisch gezeischt. mir krische dann en hinweis unn müsse den kommentar wie früher per hand freigebbe. da hammer schon alsemaa unsern schaff mit, abber sonst spämme so viagrapilledreher unn annern simbel unsern blog voll. mir freue uns zwar, wenn aaner schreibt, abber net so’n rotz.